Vous visualisez actuellement un média autre que celui transcrit/à transcrire.

malladerie a quelle cauze disoient
que par l'advis et deliberacion des conseulx
gouverneurs et aultres plussieurs notables
personnes de lad. ville avoict esté conclu
que pour le bien et utilité de ladicte
maladerie ledict heritaige seroict baillé
a rente et fieffé, et avoient requis ledict
bail estre soubzhasté, crié et publié au prix
de trente solz tournois de rente perpetuelle,
sauf que quinze sols tz de lad. rente
se pourroient descharger en baillant bonne
et suffisante assurance en rente fonsiere
en ce bailliage dont le fons vaille la
rente, les aultres quinzes sols demeurant
a tousjours, et ce a quoy led. heritaige
pourroict estre escheubz enchery au dessus
desdictz trente solz, seroict racquictable au
prix du roy nostre sire, pour les deniers
dudict racquict estre emploiez en rente
ou heritaige au proffict de ladicte
malladerie ; ausquelles criéz et subhastéez
faire eust esté par nous, commet
Jacques Le Menuisier sergent du bourgaige,
lequel eust signiffié et faict savoir
par trois jours de dimenche continuelz
a l'ouvre et yssue de la messe paroissial
de Nre Dame de Louviers que led.
bail a rente de fieffe sur les termes et conditions
que dessus se feront et passeront a la
prochaine viconté de ce sciege
ensuivant desd. criez dont la premiere
avoict esté le dimenche dixseptiesme
jour de febvrier, la seconde le
vingt quatriesme jour dud. mois
et la tierce le deuxiesme jour de
mars le tout passé sur le
prix desd. trente soubz de rente. En
faisant lesquelles criéz Guilleme
Gault
avoict enchery en sa main ledict

Contributeurs (1)
br61661