heritaige a trente cinq solz tz de rente,
Thomas le Metaier dict Mallarmay
a quarante solz tz de rente, lesquelles
criés eussent esté recordez avoir esté
faictes tant par led. Menuisier que
par Resmon Hesbert sergent des
francz fiefz, aux jours et termes cy
dessus, en la viconté dud. lieu de
Louviers par nous tenue, le
21 mars 1487 vingt et ungiesme jour de mars
mil quatre cent quatre vingt et sept
semblablement derrain passé à laquelle
vicontez et pareillement aux aultres
vicontez subsecutives ledict passement
avoict esté differé et continué,
obstant ce que Guillemme Perray
procureur de monssieur l'archevesque
avoict voullu dire led. heritaige
estre du propre domayne et appartenant
a mondict sieur l'archevesque, pendant
lesquelles continuacions y avoict eu
une criée d'abondant faicte par
ledict Hesbert sergent et avoict en la
main led. heritaige esté enchery par
icelluy ench Le Menuisier a soixante
solz tz de rente, par Jacques de Laval
a soixante et dix solz tz de rente, par
messire Jehan Hamon pbre a
soixante et quinze solz tz de rente, et
par Denis Goujon a quatre livres
tz de rente ; savoir faisons que en la
viconté dud. lieu de Louviers tenue
par nous, bailly dessus nommé,
31 may 1488 le derrain jour de may l'an de grace
mil quatre centz quatre vingt et huict,
après ce que a la requeste des
procureurs gouverneurs de lad. ville